第一日 -- First Avenue 購物商場

於八月八日搭乘下午3:00機到檳城，由於機場升降繁忙，故此延遲起飛約一小時，到達檳城已是晚上7:00，時間真係買小見小。

到達後，首先在機場買的士票，由機場直達檳城格羅飯店Glowing Penang，約半小時車程，需44馬幣。

辦妥入住手續後便步行約20分鐘到附近1st Avenue 購物商場，途中見到很多街邊食市，人頭湧湧，非常熱鬧。

我們在Brands Outlet買了兩對平底鞋和幾對短襪，之後又到隔鄰商場逛，不知不覺已是9:00，返回酒店沿途，見到一間任飲任食的自助火鍋，這食市沒有冷氣開放，實在吾想滴著汗食火鍋，但因時間不早了難以搵食，所以便決定試一試。這裡食物種類不多，平平無奇，其中的冬陰公湯底都算好味，兩人合共45.8馬幣。坐我們前面一枱十多位的年青人，胃口極好，食飽後還將成個冰櫃的冰棒掃清，最少有四五十條，佢地重有學生半價添，真係蝕埋比佢地。